الشاعر محمد جار الله السهلي كنت اتمناه ولدي
سلامتك من كل شر وسو واجهاد وألم ،
ومبروك ماجاك وعساك بخير يالغصن الندي ،
جعلك تشوفينه بعرسه ضابط وشاعر علم ،
ويطلع على جده مثل طبعه سنافي اجودي ،
لكن يا عشقي انا لي قلب جرحه ما سلم ،
هذي سنه وانا انقل احساسه على راحة يدي ،
إلين ما سويت من نبضه واحاسيسه قلم ،
وكتبت لك اغرب شعور امر به من مولدي ،
انشهد ان حظي ردي وانشهد ان وقتي ظلم ،
ليه صرت ابارك في ولد
كنت اتمناه ولدي